Kəskin hava şəraiti ilə əlaqədar Azərbaycanda bütün orta ümumtəhsil məktəblərində dərslər həftə sonuna kimi təxirə salınıb. Təhsil Nazirliyinin mətbuat xidmətinin rəhbəri Bayram Hüseynzadə SİA-ya açıqlamasında bildirib ki, təhsil naziri Misir Mərdanov bununla bağlı müvafiq əmr imzalayıb. Onun sözlərinə görə, əmrdə qeyd olunub ki, hava şəraiti ilə əlaqədar dərslər fevralın 6-dək dayandırılıb.
Bundan əlavə, təhsil nazirinin əmri ilə Aran bölgəsində fevralın 4-də 9-11-ci sinif şagirdləri üçün nəzərdə tutulan sınaq imtahanlarının da vaxtı dəyişdirilib. Həmin imtahanların vaxtı başqa vaxta keçiriləcək. İmtahanların nə zaman keçiriləcəyi isə tarixi yaxın günlərdə açıqlanacaq.
Bütün xəbərlər Facebook səhifəmizdə
USD
EUR
GBP
RUB