Milli Məclisin bu gün keçirilən iclasında vergilər naziri Fazil Məmmədov çıxış edib. SİA-nın xəbərinə görə, nazir ötən gün parlamentdə Mərkəzi Bankın sədrinin ölkədə vergi yükünün azaldılması təşəbbüsü ilə çıxışına cavab olaraq bildirib ki, Azərbaycanda vergi yükünün aşağı salınması barədə müzakirələrin aparılması yersizdir və ölkədə böyük vergi yükü yoxdur.
F. Məmmədovun sözlərinə görə, sosial vergi Azərbaycanda sosial ayırmalarla bir yerdə 21,5%, sosial ayırmalarsız 17,5% təşkil edir. Avropa İttifaqı ölkələrində isə bu göstərici 39,5%-ə bərabərdir.
Daha sonra "Azərbaycan Respublikası Dövlət Sosial Müdafiə Fondunun 2012-ci il büdcəsi haqqında" və "Azərbaycan Respublikasında 2012-ci il üçün yaşayış minimumu haqqında" qanun layihələri parlamentin plenar iclasında müzakirə olunub.
Bütün xəbərlər Facebook səhifəmizdə
USD
EUR
GBP
RUB
