Azərbaycan Prezidenti Şamaxıda “Şirvan” mehmanxanasında aparılan yenidənqurma işlərinin gedişi ilə tanış olub
Bu gün Azərbaycan Prezidenti İlham Əliyev Şamaxıda "Şirvan" mehmanxanasında aparılan yenidənqurma işlərinin gedişi ilə tanış olub.
SİA-nın Azərtac-a istinadən verdiyi məlumata görə, dövlətimizin başçısının diqqətinə çatdırılıb ki, bina 1974-cü ildə inşa edilib, ötən ilə qədər istifadədə olub. Binanın istifadəyə yararsız olması nəzərə alınaraq 2010-cu ilin fevralından mehmanxanada təmir işlərinə başlanıb. Onmərtəbəli, 36 nömrəsi olan mehmanxananın sahəsi 6 min kvadratmetrdir. Hazırda binanın interyerində son tamamlama işləri görülür. Burada yenidənqurma işlərini bu ilin dekabrında başa çatdırmaq nəzərdə tutulub.
Məlumat verilib ki, əsas binada mini bar, hovuz, SPA mərkəzi, sauna, gimnastika bölməsi, türk hamamı, bilyard klubu, 10-cu mərtəbədə 60 nəfərlik restoran fəaliyyət göstərəcək. Bundan əlavə, mehmanxananın həyətində tikiləcək binada böyük konfrans zalı, tədbirlərin keçirilməsi üçün müxtəlif zallar və digər inzibati otaqlar olacaq. Ərazidə uşaqlar üçün də oyun meydançaları yaradılacaq.
Bildirilib ki, bu mehmanxana kompleksi böyük turizm potensialı olan Şamaxıda qonaqların qəbul edilməsində mühüm rol oynayacaq. Bundan əlavə, rayona dincəlməyə gələnlərin rahat şəraitlə təmin olunmasına geniş imkanlar açacaq.
Dövlətimizin başçısı mehmanxananın yenidənqurmadan sonrakı vəziyyətini əks etdirən stendlə tanış olub, tapşırıqlarını verib.
Bütün xəbərlər Facebook səhifəmizdə
USD
EUR
GBP
RUB