12 aprel ümumdünya Aviasiya və Kosmonavtika Günüdür. 1961-ci ilin aprelin 12-də Yuri Qaqarin bəşər tarixində ilk dəfə kosmosa uçub. Qaqarin bununla kosmosun fəthi erasının əsasını qoyub.
53 il əvvəl Baykonurdan "Vostok-1" (Şərq-1) raket-daşıyıcı havaya buraxıldı. Start anında Qaqarin məşhur "Poyexali" (Getdik) sözünü işlətdi ki, bu da bütün kosmik dövrün yeni simvoluna çevrildi.
108 dəqiqə orbitdə olan və Yer ətrafında dövrə vuran "Vostok-1" atmosferə daxil olub və Saratov əyalətində kolxoz sahəsinə enib.
Qeyd edək ki, Sovet kosmonavtikasının baniləri arasında azərbaycanlı Kərim Kərimovun da adı var. O, daha çox "R-2" raketlərinin istehsalında müstəsna rol oynayıb. Azərbaycanda aerokosmik sənayenin yaradılması və bu sahənin inkişafı isə 2008-ci ildə prezident İlham Əliyevin imzaladığı müvafiq sərəncamından sonra başlayıb. Ölkədə fəaliyyət göstərən aerokosmik Agentliyin qarşıda duran başlıca vəzifəsi müdafiə qüdrətinin möhkəmlənməsinə və inkişafına xidmət edən layihələri icra etməkdir.
Bütün xəbərlər Facebook səhifəmizdə
USD
EUR
GBP
RUB
