"Azəraqrartikinti" ASC Azərbaycan Prezidenti İlham Əliyevin müvafiq Fərmanı ilə yaradılmış Koronavirusla Mübarizəyə Dəstək Fonduna 30 min manat vəsait ayırıb. Məqsəd dünyanın əksər ölkələrini cənginə almış koronavirus (COVID-19) xəstəliyinin ölkəmizdə yayılmasının qarşısının alınmasına, ciddi qabaqlayıcı tədbirlər həyata keçirilməsinə və pandemiyanın biznes və iqtisadiyyatın bir çox sahələrinə vurduğu təsirini qismən də olsa qarşılamağa dəstək olmaqdır.
SİA-nın xəbərinə görə, bu barədə "Azəraqrartikinti" ASC-dən məlumat verilib.
Məlumatda, həmçinin bildirilir ki, "COVID-19" virusunun yaratdığı iqtisadi çətinliklərə baxmayaraq, "Azəraqrartikinti" ASC-yə daxil olan iş yerlərində heç bir ixtisar aparılmayacaq və bu müddət ərzində işçilərin xərcləri şirkət tərəfindən qarşılanacaq.
"Azəraqrartikinti" ASC "COVID-19" virusu ilə mübarizə üçün bütün sahibkarları Koronavirusla Mübarizəyə Dəstək Fonduna kömək etməyə və bu bəladan qurtulmaq üçün dövlətimizə dəstək olmağa çağırır.
Bütün xəbərlər Facebook səhifəmizdə
USD
EUR
GBP
RUB