İstehlakçıların elektrik enerjisinə olan tələbatını tam və keyfiyyətli şəkildə ödəmək məqsədilə generasiya güclərinin artırılması ilə yanaşı, yüksək gərginlikli elektrik şəbəkələrinin (YGEŞ) genişləndirilməsi istiqamətində də mühüm addımlar atılır. "Azərenerji" ASC-nin mətbuat xidmətindən SIA-ya verilən məlumata görə, enerji obyektləri kimi "Qusar" və "Xaçmaz" elektrik şəbəkəsi müəssisələrində də təmir işləri uğurla həyata keçirilir.
Qusarda rayonu xidməti ərazisində olan 35 kV-lik "Caqar" hava elektrik verilişi xəttinin (HEVX) 4 kilometrdən artıq hissəsində əsaslı və cari təmir işləri aparılaraq 54 ədəd izolyator dəyişdirilib. Eyni gərginlikli "Quba-Qusar" HEVX də isə 10 ədəd xətt armaturu yenisi ilə əvəz edilib. Qeyd edək ki, 110 kV-lik "Qusar" yarımstansiyasında 2 saylı 10 MVA-lıq transformatorun 110 kV-luq ayıran-ayırıcı və qısa-qapayıcısında tənzimləmə işləri aparılıb, 1 və 2 saylı transformatorda ölçü-sınaq işləri yerinə yetirilib. Eyni zamanda bu transformatorun 35 kV-lik giriş və eyni gərginlikli "Caqar" HEVX-nin yağ açarları əsaslı təmir olunub. "Əcəxur" yarımstansiyasında isə 10 kV-lik "Mucuq" HEVX-nin yuvasında təmir-sazlama işləri aparılıb.
Mənbədən əldə etdiyimiz digər bir məlumata görə isə, 10 kV HEVX-də 121 ədəd dayaq, 0,4 kV şəbəkədə isə 36 ədəd dayaq yenisi ilə əvəz edilib. Eyni zamanda 11 kilometrdən artıq naqil yenisi ilə əvəz edilib və 340-a yaxın izolyator dəyişdirilib.
Xaçmaz rayonunda isə 110 kV-lik "Xaçmaz" yarımstansiyasında 1 saylı 25 MVA-lıq transformator və onun yağ açarı əsaslı təmir olunub. Analoji təmir işi III "Xaçmaz", VI "Xaçmaz" HEVX-də də həyata keçirilib.
Yeri gəlmişkən, sözügedən təmir işləri 10 kV-lik "Əhməd-oba", "Pivə zavod", "Nizova", "Telestudiya", "Kondensator" HEVX-də də aparılıb.
Onu da qeyd edək ki, 110 kV-lik "Xudat" yarımstansiyasında 2 saylı 10 MVA-lıq və 1 saylı 6,3 MVA-lıq transformatorlarda cari təmir işləri aparılıb. "Yalama" yarımstansiyasında isə 35 kV-lik giriş yağ açarı əsaslı təmir olunub. Eyni zamanda 330-110 kV-lik HEVX-lərdə ümumilikdə 360-dan çox izolyator yenisi ilə əvəz olunub.
Əldə etdiyimiz digər bir məlumatda isə qeyd edilir ki, 10 və 0,4 kV-lik şəbəkələrdə ümumilikdə 6,2 kilometrə yaxın naqil, 225 ədəd izolyator dəyişdirilib. Müxtəlif gücdə olan 4 ədəd transformator yenisi ilə əvəz olunub.
Bütün xəbərlər Facebook səhifəmizdə
USD
EUR
GBP
RUB