"Adətən, hər il ölkəyə gələn turistlərin sayında 10-15 faiz artım müşahidə edilir. Buna görə də bu il Azərbaycana gələn turistlərin sayında artımın 10 faizdən aşağı olmayacağı gözlənilir". SİA-nın məlumatına görə, bunu jurnalistlərə açıqlamasında mədəniyyət və turizm naziri Əbülfəs Qarayev deyib.
Nazirin sözlərinə görə, Azərbaycanda elektron vizanın tətbiqi ölkəyə gələn turistlərin sayının artmasına təsir göstərəcək: "Elektron vizanın tətbiqi ilə bağlı müəyyən texniki məsələlərin tamamlanması tələb olunur. Düşünürəm ki, yay mövsümünə tam hazır olacağıq. Azərbaycanın turizm şirkətlərinin də bu prosesə qoşulmağa böyük maraqları var. İnanıram ki, bu, öz müsbət təsirini göstərəcək".
Qarayev onu bildirib ki, artıq Azərbaycan vətəndaşları öz vətənlərində səyahət etməyə daha meyillidirlər: "Bunu regionların infrastrukturunun yaxşılaşması ilə əlaqələndirən nazir deyib ki, bu gün Azərbaycanda Bakıdan başqa iki cəlbedici turizm məkanı formalaşıb - bunlar Qəbələ və Şahdağ Qış-Yay Turizm və İstirahət kompleksidir".
Nazir növbəti il ərzində həmin kompleksə daha çox turistin səfər edəcəyinə ümid etdiyini də deyib.
Bütün xəbərlər Facebook səhifəmizdə
USD
EUR
GBP
RUB