“Musiqi ilə dörd yaşımdan məşğul oluram. Uşaq ikən Bakıda bir çox konsertlər vermişəm. Hazırda Fransada Paris Ali Musiqi Məktəbində fortepiano üzrə təhsil alıram”. SİA-nın məlumatına görə, bu sözləri gənc pianoçu Vurğun Vəkilov deyib. O, bildirib ki, bir çox beynəlxalq festivallarda iştirak edib: “İtaliyanın Pesaro şəhərində keçirilən müsabiqədə birinci yeri, Fransada “Adilə Əliyeva adına pianoçuların beynəlxalq müsabiqəsi”ndə ikinci yeri tutmuşam. Heç zaman digər məşhur piano ifaçıları ilə bir yerdə çıxış etmək barədə düşünməmişəm. Məncə bu, qeyri professional bir addımdır. Çünki məşhur pianoçular yalnız solo ifa etməyə çalışırlar. Gələcək planlarım hər bir professional pianoçu kimi müsabiqələrdə iştirak edib yer tutmaqdır. Harada oluramsa Azərbaycan musiqisini təbliğ edirəm”.
Bütün xəbərlər Facebook səhifəmizdə
USD
EUR
GBP
RUB