“Plenar sessiyalarla yanaşı, paralel olaraq panel və büro sessiyaları da keçiriləcək. Sessiyalara katiblik, məşvərət şurası və hüquq müşavirləri nəzarət edəcəklər. Sessiyaya hazırlıqla bağlı bütün məlumatlar komitənin veb-saytında əks olunub. Bütün sənədlər bu saytda öz əksini tapıb, hər kəs sessiyaya aid sənədi onlayn rejimdə işləyən bu internet resursundan əldə edə bilər”. SİA-nın məlumatına görə, bu fikirləri sessiyanın təşkilat komitəsinin sədri, Azərbaycanın Mədəniyyət naziri Əbülfəs Qarayev bildirib.
Nazir əlavə edib ki, UNESKO-nun Ümumdünya İrs Komitəsinin 43-cü sessiyasının gündəliyində büro üzvlərinin istəyi ilə dəyişiklik edilə bilər: “Bakı sessiyasında UNESKO-nun Dünya İrsi Siyahısına daxil edilmək üçün üzv dövlətlər tərəfindən təqdim olunmuş 36 namizəd fayl nəzərdən keçiriləcək. Namizədliyi irəli sürülmüş faylların 28-i mədəni, 6-sı təbiət, 2-si qarışıq (təbiət və mədəni) abidələr sırasına daxildir. Sessiyalarda ilk olaraq siyahı üzrə təbiət, daha sonra mədəni obyektlər üzrə nominasiyalar müzakirə ediləcək. Sessiya çərçivəsində 50-yə yaxın paralel tədbir və sərgilər keçiriləcək”.
Bütün xəbərlər Facebook səhifəmizdə
USD
EUR
GBP
RUB