Respublika Uşaq Kitabxanası və Səbail rayonunda yerləşən 160 nömrəli tam orta məktəbin birgə təşkilatçılığı ilə böyük Azərbaycan şairi, mütəfəkkir İmadəddin Nəsiminin 650 illik yubileyinə həsr olunmuş “Nəsiminin söz qüdrəti” adlı ədəbi-bədii gecə keçirilib. SİA-nın məlumatına görə, tədbir “Nəsimi” filmindən “Haradasan” qəzəlinin ifa olunduğu fraqmentin nümayişi ilə başlayıb.
Tədbirdə Nəsimi obrazının mahir ifaçısı, Xalq artisti Rasim Balayev çıxış edərək tədbirdən böyük zövq aldığını bildirib və ədəbi-bədii kompozisiyasının məktəblilərin ifasında təqdim edildiyi üçün tədbirin təşkilatçılarını və uşaqları təbrik edib.Tədbir çərçivəsində, məktəbin şagirdlərinin təqdimatında Nəsiminin həyat və yaradıcılığı haqqında geniş məlumat verilib.Ədibin yaradıcılığından “Sığmazam”, “Mərhaba”, “Ağrımaz”, “Etməgil” və s. qəzəlləri ifa olunub, “Nəsimi” filmindən şah və vəzirin olduğu səhnə canlandırılıb.
Sonra Xalq artisti Ramiz Quliyevin müşayiəti ilə Rasim Balayevin ifasında “Neylərəm” qəzəlini dinləmək isə bütün iştirakçılara unudulmaz anlar yaşadıb.
Bütün xəbərlər Facebook səhifəmizdə
USD
EUR
GBP
RUB