İsrafil İsrafilov: “Müsabiqə başa çatandan sonra Akademik Milli Dram Teatrının truppa heyətinin sayı əvvəlkindən az olacaq” - AÇIQLAMA
Azərbaycan Dövlət Akademik Milli Dram Teatrında yeni heyətin formalaşdırılması üçün keçiriləcək müsabiqənin dəqiq vaxtı hələ məlum deyil. Bunu SİA-ya teatrın direktoru, sənətşünaslıq doktoru İsrafil İsrafilov deyib.
Onun sözlərinə görə, müsabiqəyə növbəti həftənin bazar ertəsindən başlamaq nəzərdə tutulur: "Müsabiqədə iştirak etmək üçün teatra 20-yə qədər aktyor müraciət edib. Onların sırasında "Azdrama"nın öz aktyorları ilə yanaşı digər teatrın aktyorları da var. Lakin mühəndis-texniki heyətdən bir nəfər də sənəd verməyib. Aktyorların işə qəbulla bağlı sənəd qəbulu dekabrın 25-də başa çatıb. Ancaq mühəndis-texniki heyətin sənəd qəbulu hələ də davam edir. Çünki bu peşə sahiblərinin sayı azdır. Onları hazırlayan məktəb yoxdur. Ona görə də bu sahədə problemlər var. Problemi müəyyən qədər aradan qaldırmaq üçün bu peşə sahiblərini xarici ölkələrə kurslara göndərəcəyik. Hətta yaxın vaxtlarda Mədəniyyət və Turizm Nazirliyinin xətti ilə bir neçə nəfər Almaniyaya göndəriləcək".
İ.İsrafilov onu da qeyd edib ki, baxmayaraq ki, işçi heyəti dekabrın 30-dan işsizdirlər, ancaq onların yanvar və fevral ayının kompensasiyası verilib. İşə qəbulla bağlı müsabiqə də bu iki ay ərzində baş tutacaq: "Ancaq dəqiq vaxt hələ məlum deyil. Hesab edirəm ki, bu işdə tələsmək lazım deyil. Bu, heç də sadə iş deyil. Əksinə, çətin məsələdir. Burada hüquqi, sosial məsələlər mövcuddur. Kənarda qalacaq şəxslərin işlə təmin olunması məsələsi var. Bu sahənin adamları olduqca həssasdırlar, onların hər birinə hörmətim var. Ona görə də hesab edirəm ki, bu işdə tələsmək olmaz. Bircə onu deyim ki, müsabiqə yanvar və ya fevral ayı ərzində keçiriləcək".
Teatr direktoru onu da əlavə edib ki, müsabiqə başa çatandan sonra Akademik Milli Dram Teatrının truppa heyətinin sayı əvvəlkindən az olacaq.
Məlumat üçün bildirək ki, müsabiqə üçün yaradılan xüsusi komissiyaya mədəniyyət və turizm nazirinin müavini Ədalət Vəliyev rəhbərlik edir. Komissiyada teatrın direktoru İsrafil İsrafilov, Mədəniyyət və Turizm Nazirliyi İncəsənət şöbəsinin teatr sektorunun müdiri Naidə İsmayılzadə və daha bir neçə teatr bilicisi təmsil olunur. Komissiya üzvlərinin adları açıqlanmır. Buna səbəb kimi müsabiqənin obyektiv keçməsini təmin etmək göstərilir. Komissiyanın üzvlərinin tam siyahısı müsabiqə yekunlaşdıqdan sonra açıqlanacaq.
Onun sözlərinə görə, müsabiqəyə növbəti həftənin bazar ertəsindən başlamaq nəzərdə tutulur: "Müsabiqədə iştirak etmək üçün teatra 20-yə qədər aktyor müraciət edib. Onların sırasında "Azdrama"nın öz aktyorları ilə yanaşı digər teatrın aktyorları da var. Lakin mühəndis-texniki heyətdən bir nəfər də sənəd verməyib. Aktyorların işə qəbulla bağlı sənəd qəbulu dekabrın 25-də başa çatıb. Ancaq mühəndis-texniki heyətin sənəd qəbulu hələ də davam edir. Çünki bu peşə sahiblərinin sayı azdır. Onları hazırlayan məktəb yoxdur. Ona görə də bu sahədə problemlər var. Problemi müəyyən qədər aradan qaldırmaq üçün bu peşə sahiblərini xarici ölkələrə kurslara göndərəcəyik. Hətta yaxın vaxtlarda Mədəniyyət və Turizm Nazirliyinin xətti ilə bir neçə nəfər Almaniyaya göndəriləcək".
İ.İsrafilov onu da qeyd edib ki, baxmayaraq ki, işçi heyəti dekabrın 30-dan işsizdirlər, ancaq onların yanvar və fevral ayının kompensasiyası verilib. İşə qəbulla bağlı müsabiqə də bu iki ay ərzində baş tutacaq: "Ancaq dəqiq vaxt hələ məlum deyil. Hesab edirəm ki, bu işdə tələsmək lazım deyil. Bu, heç də sadə iş deyil. Əksinə, çətin məsələdir. Burada hüquqi, sosial məsələlər mövcuddur. Kənarda qalacaq şəxslərin işlə təmin olunması məsələsi var. Bu sahənin adamları olduqca həssasdırlar, onların hər birinə hörmətim var. Ona görə də hesab edirəm ki, bu işdə tələsmək olmaz. Bircə onu deyim ki, müsabiqə yanvar və ya fevral ayı ərzində keçiriləcək".
Teatr direktoru onu da əlavə edib ki, müsabiqə başa çatandan sonra Akademik Milli Dram Teatrının truppa heyətinin sayı əvvəlkindən az olacaq.
Məlumat üçün bildirək ki, müsabiqə üçün yaradılan xüsusi komissiyaya mədəniyyət və turizm nazirinin müavini Ədalət Vəliyev rəhbərlik edir. Komissiyada teatrın direktoru İsrafil İsrafilov, Mədəniyyət və Turizm Nazirliyi İncəsənət şöbəsinin teatr sektorunun müdiri Naidə İsmayılzadə və daha bir neçə teatr bilicisi təmsil olunur. Komissiya üzvlərinin adları açıqlanmır. Buna səbəb kimi müsabiqənin obyektiv keçməsini təmin etmək göstərilir. Komissiyanın üzvlərinin tam siyahısı müsabiqə yekunlaşdıqdan sonra açıqlanacaq.
Bütün xəbərlər Facebook səhifəmizdə
USD
EUR
GBP
RUB