Dekabrın 7-də M. F. Axundov adına Milli Kitabxanada Mədəniyyət və Turizm Nazirliyi ilə birgə Sabit Rəhmanın 100 illiyi ilə əlaqədar tədbir keçiriləcək. SİA-nın məlumatına görə, tədbirdə həmçinin Milli Kitabxananın əməkdaşları tərəfindən hazırlanan "Sabit Rəhman - 100. Biblioqrafiya" kitabının təqdimat mərasimi keçiriləcək.
Tədbirdə biblioqrafiya ilə yanaşı, həm də filologiya elmləri doktoru Bədirxan Əhmədovun qələmə aldığı "Sabit Rəhman: həyatı, mühiti, yaradıcılığı" kitabı da təqdim olunacaq.
Yubiley tədbirində Mədəniyyət və Turizm Nazirliyinin, Azərbaycan Yazıçılar Birliyinin rəhbərliyi, tanınmış yazıçılar, sənət adamları, kinematoqrafçılar və yubilyarın qohumları iştirak edəcək.
Bütün xəbərlər Facebook səhifəmizdə
USD
EUR
GBP
RUB