Beynəlxalq Caz Festivalı çərçivəsində “Elektra Events Нall”da fransalı bəstəkar və akkordeonçu Rişar Qalyanonun konserti olub. SİA-nın məlumatına görə, tədbiri açan Fransanın ölkəmizdəki səfiri Orelia Buşez festivalın bu cür yüksək səviyyədə təşkilinə görə Azərbaycan Respublikasının Mədəniyyət və Turizm Nazirliyinə minnətdarlığını bildirib. Qeyd edib ki, bu cür tədbirlər ölkələr arasında mədəni əlaqələrin möhkəmləndirilməsinə xidmət edir.
Rişar Qalyanonun yaradıcılığından danışan fransalı diplomat qeyd edib ki, akkordeonçunu vətənində caz sənətinin nəhəngi adlandırırlar. O, akkordeonun bütün növlərində məharətlə ifa edir.
Sonra akkordeonçu Rişar Qalyano populyar kompozisiyalar səsləndirib. Konsertdə, həmçinin Xalq Artisti Yalçın Adıgözəlovun dirijorluğu ilə “Sinfonietta” orkestri çıxış edib.
Bütün xəbərlər Facebook səhifəmizdə
USD
EUR
GBP
RUB