Bu gün xalq artisti Vasif Babayevin doğum günüdür. SİA-nın məlumatına görə, Vasif Hacıağa oğlu Babayev 1940-cı ilin məhz bu günündə Bakıda anadan olub. O 1958-ci ildə orta məktəbi, 1965-ci ildə Azərbaycan Dövlət İncəsənət İnstitutunu bitirib. 1964-cü ildən Azərbaycan Dövlət Televiziya və Radio Verilişləri Komitəsində əvvəlcə rejissor köməkçisi, assistent, rejissor, 1969-cu idən isə Azərbaycan Televiziyasının baş rejissoru vəzifəsində işləyib.
1991-ci ildə AzTV-nin bədii rəhbəri vəzifəsinə təyin edilib. 1994-cü ildən 1996-cı ilə kimi "MİR" dövlətlərarası Teleradio şirkətinin Azərbaycan nümayəndəliyinin ilk direktoru, 1996-cı ildən 1999-cu ilədək Bakıda "SARA" müstəqil Teleradio şirkətinin icraçı direktoru, 2001-2006-cı illərdə Moskvada Rusiyanın "İnter-Azərbaycan" teleadio şirkətinin vitse-prezidenti olub.
Onun çəkdiyi filmlər ümumittifaq və beynəlxalq festivallarda iştirak edərək, Azərbaycanı layiqincə təmsil edib və bir çox mükafatlara layiq görülüb. Vasif Babayev dəfələrlə Ümumittifaq festivallara jürinin üzvü qismində dəvət olunub.
Rejissor Vasif Babayev Azərbaycan Kinematoqrafçılar İttifaqının və Azərbaycan Professional Kinorejissorlar Gildiyası Bürosunun üzvüdür. O, 1967-ci ildə Azərbaycan SSSR Ali Sovetinin Fəxri Fərmanı ilə təltif edilib, 1977-ci ildə Azərbaycan "Əməkdar artisti", 1981-ci ildə "SSRİ Televiziya və Radio əlaçısı", 1989-cu ildə isə ilk televiziya rejissoru olaraq Azərbaycanın "Xalq artisti" fəxri adına layiq görülüb.
2004-cü ildə Beynəlxalq Televiziya və Radio Akademiyasının həqiqi üzvü seçilmiş Vasif Babayev ölkəmizi bir çox Beynəlxalq konfranslarda və simpoziumlarda layiqincə təmsil edib. O, milli televiziyanın və kinonun ictimai həyatında fəal iştirak edən, gənc kadrların hazırlanmasında və formalaşmasında öz töhfəsini verən, öz həmkarları və dostları arasında nüfuza və hörmətə malik olan bir sənətçidir.
1991-ci ildə AzTV-nin bədii rəhbəri vəzifəsinə təyin edilib. 1994-cü ildən 1996-cı ilə kimi "MİR" dövlətlərarası Teleradio şirkətinin Azərbaycan nümayəndəliyinin ilk direktoru, 1996-cı ildən 1999-cu ilədək Bakıda "SARA" müstəqil Teleradio şirkətinin icraçı direktoru, 2001-2006-cı illərdə Moskvada Rusiyanın "İnter-Azərbaycan" teleadio şirkətinin vitse-prezidenti olub.
Onun çəkdiyi filmlər ümumittifaq və beynəlxalq festivallarda iştirak edərək, Azərbaycanı layiqincə təmsil edib və bir çox mükafatlara layiq görülüb. Vasif Babayev dəfələrlə Ümumittifaq festivallara jürinin üzvü qismində dəvət olunub.
Rejissor Vasif Babayev Azərbaycan Kinematoqrafçılar İttifaqının və Azərbaycan Professional Kinorejissorlar Gildiyası Bürosunun üzvüdür. O, 1967-ci ildə Azərbaycan SSSR Ali Sovetinin Fəxri Fərmanı ilə təltif edilib, 1977-ci ildə Azərbaycan "Əməkdar artisti", 1981-ci ildə "SSRİ Televiziya və Radio əlaçısı", 1989-cu ildə isə ilk televiziya rejissoru olaraq Azərbaycanın "Xalq artisti" fəxri adına layiq görülüb.
2004-cü ildə Beynəlxalq Televiziya və Radio Akademiyasının həqiqi üzvü seçilmiş Vasif Babayev ölkəmizi bir çox Beynəlxalq konfranslarda və simpoziumlarda layiqincə təmsil edib. O, milli televiziyanın və kinonun ictimai həyatında fəal iştirak edən, gənc kadrların hazırlanmasında və formalaşmasında öz töhfəsini verən, öz həmkarları və dostları arasında nüfuza və hörmətə malik olan bir sənətçidir.
Bütün xəbərlər Facebook səhifəmizdə
USD
EUR
GBP
RUB