Beynəlxalq Türk Mədəniyyəti və İrsi Fondunda Fondun Prezidenti Günay Əfəndiyeva "Türkiye Petrolleri A.O" (TPAO) şirkətinin Azərbaycandakı nümayəndəliyinin rəhbəri Saliha Dündar ilə görüşüb. SİA-nın məlumatına görə, görüş zamanı G.Əfəndiyeva Fondun türkdilli xalqların tarixi-mədənin irsinin mühafizəsi, təşviqi və dünyaya tanıdılması istiqamətində apardığı fəaliyyətindən söz açmış, gələcək iş və layihələrdən bəhs edib.
S.Dündar öz növbəsində Beynəlxalq Türk Mədəniyyəti və İrsi Fondunun fəaliyyətinin bütövlükdə Türk dünyası üçün əhəmiyyətinə toxunaraq Fond ilə uğurlu əməkdaşlığa dair inamını ifadə edib.
S.Dündar Türk Dünyası Mühəndislər və Memarlar Birliyi tərəfindən 2017-ci il mart ayında keçirilməsi planlaşdırılan "Heydər Əliyev ili"nə həsr olunmuş Türk Dünyasının Qurultayı barədə ətraflı məlumat verib.
Görüşdə gələcək əməkdaşlığın perspektivlərinə dair fikir mübadiləsi aparılıb, həyata keçiriləcək birgə layihələr müzakirə olunub.
Bütün xəbərlər Facebook səhifəmizdə
USD
EUR
GBP
RUB