Noyabrın 19-da Azərbaycan Dövlət Akademik Opera və Balet Teatrında R.Leonkavallonun "Payatsı" operasının tamaşası keçiriləcək. SİA-nın məlumatına görə, teatr rəhbərliyi tamaşadakı əsas partiyalardan birini - Kanio partiyasını ifa etmək üçün Z.Paliaşvili adına Tbilisi Dövlət Opera və Balet Teatrının solisti - Gürcüstanın xalq artisti, Dövlət mükafatı laureatı, professor Teymuraz Ququşvilini dəvət edib.
Tonio partiyasında isə Sankt-Peterburqun Mixaylovski Teatrının aparıcı solisti, vokalçıların beynəlxalq müsabiqələrinin laureatı Aleksandr Kuznetsov çıxış edəcək.
Tamaşada Azərbaycanın vokal məktəbini teatrımızın solistləri - Əməkdar Artistlər Afaq Abbasova (Nedda), Cahangir Qurbanov (Silvio), həmçinin Əliəhməd İbrahimov (Arlekin) və Tural Ağasıyev (Kəndli) təmsil edəcəklər.
Tamaşanın dirijoru xalq artisti, professor Yalçın Adıgözəlovdur.
Bütün xəbərlər Facebook səhifəmizdə
USD
EUR
GBP
RUB