Beynəlxalq Azərbaycan muğamı və musiqisi günü münasibətilə konsert proqramı təşkil olunub. SİA-nın verdiyi xəbərə görə, Bakı Şəhər Mədəniyyət və Turizm Baş İdarəsinin təşkilati dəstəyi ilə reallaşan konsert proqramı Mərdəkan Mədəniyyət Sarayında baş tutub.
Konsertdən əvvəl qonaqlara Azərbaycanın xalq musiqisi və muğam sənətinin tarixi zənginliyi haqqında ətraflı məlumat verilib.
Qeyd olunub ki, Azərbaycan muğamının bəşər mədəniyyətinin nadir inciləri ilə bir sırada UNESCO-nun dünya qeyri-maddi mədəni irs siyahısına daxil edilməsi onun nə dərəcədə bənzərsiz sənət növü olduğunu bir daha sübut edir.
Konsertdə muğamlar, xalq və bəstəkar mahnıları səsləndirilib.
Sonunda "Xəmsə" muğam qrupunun üzvlərinə müvafiq diplom və hədiyyələr təqdim olunub.
Bütün xəbərlər Facebook səhifəmizdə
USD
EUR
GBP
RUB