Mədəniyyət və turizm naziri Əbülfəs Qarayev Avropa Yəhudi Mədəniyyəti və İrsinin Qorunması və Təbliğatı Assosiasiyasının baş katibi Assumpcio Hosta və koordinatoru Michael Mail ilə görüşüb. Nazirlikdən SİA-ya verilən xəbərə görə, görüşdə Mədəniyyət və Turizm Nazirliyinin Avropa Şurasının Mədəni Marşrut Layihələrindən biri olan "Yəhudi İrsi üzrə Avropa marşrutu" beynəlxalq mədəni turizm layihəsinə üzvlüyü və Azərbaycanda Yəhudi Mədəniyyət günlərinin keçirilməsi ilə bağlı məsələlər müzakirə edilib.
Qeyd olunub ki, bununla bağlı Nazirlik tərəfindən ölkəmizdə mövcud olan Yəhudi İrsi üzrə müvafiq proqram hazırlanıb. Proqrama paytaxt Bakı ilə yanaşı, Quba, Qırmızı Qəsəbə, Lahıc, Qəbələ, Oğuz kimi regionların turizm potensialı barədə məlumat, həmçinin, orada fəaliyyət göstərən yerli sinaqoqlarla tanışlıq da əlavə olunub.
Görüş zamanı nazir Əbülfəs Qarayev layihənin əhəmiyyətini yüksək vurğulayıb və Assosiasiyanın nümayəndələrini Bakıda keçiriləcək Ümumdünya Mədəniyyətlərarası Dialoq Forumunda iştirak etməyə dəvət edib. Həmçinin, nümayəndə heyətinə Forum zamanı layihənin təqdimatının keçirilməsi təklif edilib.
Assosiasiyasının baş katibi Assumpcio Hosta Azərbaycana səfərindən yüksək məmnunluq duyduğunu ifadə edib və layihənin əhəmiyyətindən danışarkən bildirib ki, Azərbaycan mədəniyyətlərarası dialoqun ən yaxşı nümunəsidir.
Assosiasiyanın koordinatoru Michael Mail Bakıda olduqları müddətdə Avropa və gürcü yəhudiləri dini icması, həmçinin, Dağ yəhudiləri dini icmasının sədri Milix Yevdayev ilə, Qırmızı Qəsəbədəki "Giləki" və "Altı Gümbəz" sinaqoqlarındakı yerli dini icmalarla və Oğuz rayonundakı "Aşağı məhəllə" və "Yuxarı məhəllə" sinaqoqları ilə tanış olduqları haqqında məlumat verib.
Qeyd edək ki, Avropa Yəhudi Mədəniyyəti və İrsinin Qorunması və Təbliğatı Assosiasiyasının (AEPJ) təşkilatçılığı ilə həyata keçirilən bu layihəyə hazırki dövrədək Portuqaliya, İspaniya, İtaliya və Fransa kimi ölkələr qoşulub, həmçinin, 22-yə yaxın Avropa ölkəsi tərəfdaş qismində çıxış edir.
Azərbaycan Qafqazda bu layihəyə qoşulan ilk ölkədir.
.jpg)
.jpg)
Bütün xəbərlər Facebook səhifəmizdə
USD
EUR
GBP
RUB