Azərbaycan Respublikasının Mədəniyyət və Turizm Nazirliyinin dəstəyi ilə Şakir Qabıssanlının "Azərbaycan xalçalarının açılmamış sirləri" adlı kitabının nəşri başa çatdırılıb. SİA-nın nazirliyə istinadən verdiyi xəbərə görə, kitabın redaktorları Mustafa Çəmənli və Sevinc Nuruqızıdır.
Kitabda dünyaya məlum olmayan, lakin dünyamızda olan sirli aləmlərə yeni qapılar açılır. Xalçalar və xalça işarələri dünyanın 17 ölkəsində olan qayaüstü rəsm və işarələrin sivil davamı kimi antik dünyamıza sanki mənəvi yollar açır. Kitabda Nuh tufanının danılmaz arqumentləri, "Zənd-Əvəsta" ("Avesta") ilə vəhdətdə İbrahim peyğəmbərin ilkin dini əlamətləri fəlsəfi ideoloji tənlikdə oxuculara çatdırılır. Sonda rəqəmlərin, xətlərin müqəddəsliyindən doğulan məna-mahiyyətləri işıqlandırmaqla dünyanın yaranma əlamətləri xüsusi sistemlə oxuculara çatdırılır. Kitabda xalçaçılıq sənətinin ilmələrində gizlənən şifrlər müəllif tərəfindən açılır.
Qeyd edək ki, "Təhsil" nəşriyyatında yüksək poliqrafik keyfiyyətlə çapı başa çatdırılmış kitab nazirliyin tabeçiliyində olan kütləvi kitabxanalara və digər aidiyyəti qurumlara paylanılacaq.
Bütün xəbərlər Facebook səhifəmizdə
USD
EUR
GBP
RUB