Əməkdar artist Rəhman Rəhmanovun SİA-ya verdiyi müsahibəni təqdim edirik:
-Yaradıcılığınızda nə kimi yeniliklər var?
- Azərbaycan Dövlət Kukla Teatrında yeni tamaşalar hazırlanıb. Həmin tamaşalarda mənim də rollarım var. Balaca dostlarımı sevindirməyə çalışıram.
- Azərbaycan Dövlət Kukla Teatrının verdiyi əmək haqqı ilə razısınız?
- Dövlətin təyin etdiyi maaşdır. Demək ki, belə uyğun görülüb.
- Bu yaxınlarda müğənni oğlunuz Emilin həbs olunması ilə bağlı xəbər yayılıb. Doğrudur?
- Bəli, oğlum həbs olunub.
- Emilin azadlıqdan məhrum olunmasına səbəb nədir?
-Bilmirəm, bununla bağlı heç bir məlumatım yoxdur. Müstəntiqlə söhbət etməmişəm. Yəqin ki, yanlış hərəkət edib, indi də cəzasını çəkir.
-Oğlunuzla xeyli müddətdir küsülü qalmanıza səbəb nədir?
-Oğlumla uzun müddətdir ki, danışmıram. Özünü yaxşı apara bilməyib, mən də onu danışmamaqla cəzalandırmışam. Nə zaman səhvlərini anlayar, özünü düzəldər barışaram.
-Bildiyimizə görə, şəkərli diabet xəstəliyindən əziyyət çəkirsiniz. Hazırda səhhətiniz necədir?
-Pisəm. Şəkərim qalxıb. Müalicələr yaxşı təsir etmişdi. Amma oğlum həbs olunandan sonra vəziyyətim daha da pisləşdi.
-Müalicəniz davam etdirirsiniz?
-Əlbəttə. Müalicə olunmadan yaşaya bilmərəm. Daima həkim nəzarəti altındayam.
-Müalicələrinizin pulu dövlət tərəfindən qarşılanır?
- Ölkə başçımız çox sağ olsun! Mənim kimi aktyorlara qiymət verir, qayğı göstərir. Aldığım təqaüd müalicəmə kifayət edir. Buna görə də, dövlətimizdən çox razıyam.
Kübra Bayramova
Bütün xəbərlər Facebook səhifəmizdə
USD
EUR
GBP
RUB