Səbail rayonu Rəşid Behbudov adına 2 №-li Onbirillik musiqi məktəbində görkəmli müğənni Rəşid Behbudovun 100 illik yubileyinə həsr olunmuş geniş tədbir keçirilib. SİA-nın xəbərinə görə, konsertdə Rəşid Behbudovun ailə üzvləri, respublikanın bir sıra tanınmış sənətkarları, Səbail Rayon İcra hakimiyyətinin nümayəndələri iştirak ediblər.
Məktəbin xalq çalğı alətləri orkestri, birləşmiş xor kollektivi, skripkaçılar ansamblı rəngarəng proqram təqdim edilib. Şagirdlərin ifasında Ü.Hacıbəylinin "Arşın mal alan operettası"ndan səhnə, bir sıra solo vokal çıxışlar , müxtəlif alətlərdə səslənən musiqi əsərləri Rəşid Behbudovun repertuarından mahnılar dinləyicilər tərəfindən böyük maraqla qarşılanıb.
Tədbirin sonunda Azərbaycan Respublikasının Nazirlər Kabinetinin Mədəniyyət Şöbəsinin müdiri İsmayıl Sadıqov, xalq artisti maestro Rauf Abdullayev, Ukraynanın Azərbaycandakı səfiri Aleksandr Mişşenko, Rəşid Behbudovun qızı Rəşidə xanım Behbudova dünya şöhrətli müğənni haqqında xatirələrini danışıblar.
Uğurla keçən tədbiri Azərbaycan Respublikasının əməkdar mədəniyyət işçisi məktəbin direktoru Qəmər xanım Quliyeva öz çıxışı ilə yekunlaşdırıb.
Bütün xəbərlər Facebook səhifəmizdə
USD
EUR
GBP
RUB