Kolumbiyanın Medellin şəhərində keçirilən Birləşmiş Millətlərin Ümumdünya Turizm Təşkilatının Baş Assambleyasının 21-ci Sessiyasında Mədəniyyət və turizm nazirinin müavini Nazim Səmədov çıxış edərək Azərbaycanda turizm sahəsində son iki ildə əldə olunan nailiyyətlərdən danışıb. SİA-nın məlumatına görə, ölkədə turizm infrastrukturunun inkişafından, elektron viza sisteminin tətbiqindən, cari ilin iyun ayında keçirilmiş Avropa Oyunlarından bəhs edən nazir müavini, turizmin Azərbaycanda əsasən dörd prioritet (işgüzar, sağlamlıq, mədəniyyət və ekoturizm) inkişaf sahəsini təqdim edib.
Daha sonra Nazim Səmədov Azərbaycan Konqreslər Bürosunun, Sağlamlıq və Termal Turizm Assosiasiyasının, Yaşıl Kənd Turizmi Assosiasiyasının fəaliyyəti haqqında məlumat verib.
BMÜTT-nin Baş Assambleyasının 21-ci Sessiyası çərçivəsində BMÜTT-nin İcraiyyə Şurasına, müxtəlif komitələrinə seçkilər keçirilib, daxili məsələlərə dair müzakirələr aparılıb, Beynəlxalq Mülki Aviasiya Təşkilatı (İCAO) ilə birgə forum təşkil olunub, eləcə də "Turizm hekayələri" kitabının ikinci buraxılışının təqdimatı keçirilib. Kitabda Lahıc haqqında məqalə yer alıb. Kitabı aşağıdakı səhifədə yükləmək olar: http://www.e-unwto.org/doi/book/10.18111/9789284417186
Məlumat üçün bildiririk ki, BMÜTT-nin Baş Assambleyasının 22-ci Sessiyası 2017-ci ildə Çin Xalq Respublikasının Chengdu şəhərində keçiriləcək.
Bütün xəbərlər Facebook səhifəmizdə
USD
EUR
GBP
RUB