İyunun 30-da "Natavan gallery" sərgi salonunda "İstedad sorağında" layihəsi çərçivəsində gənc istedadlı rəssam və fotoqrafların sərgisi açılacaq. SİA-nın məlumatına görə, Azərbaycan Respublikası Prezidenti yanında Gənclər Fondunun elan etdiyi 6-cı qrant müsabiqəsində qalib olan layihənin rəhbəri Vüsal Kərimovdur.
Layihənin məqsədi Azərbaycanın müasir incəsənətinin və rəssamlığının inkişafına, gənc istedadlı rəssamların, dizayner və heykəltəraşların tapılıb üzə çıxarılması və onların tanıdılmasına təkan verməkdən, gələcəkdə ölkəmizi təmsil etmək üçün potensial incəsənət xadimlərinin üzə çıxarılmasından ibarətdir.
Qeyd edək ki, sərgidə rəssamlıq və heykəltəraşlıq istedadı olan, lakin bu sahə üzrə təhsil almayan gənclərin müxtəlif mövzu və materiallardan hazırlanmış müasir incəsənət əsərləri nümayiş olunacaq. Bu gənclərin tapılıb üzə çıxarılması üçün ilk növbədə ali və orta təhsil müəssisələrində sorğular keçirilib. Sonra istedadlı gənclərimizin əsərləri toplanaraq münsiflər heyəti tərəfindən qiymətləndirilib. Seçilmiş əsərlər sərgidə təqdim ediləcək. İlk 3 yerin sahibinə isə diplom və hədiyyələr veriləcək.
Bütün xəbərlər Facebook səhifəmizdə
USD
EUR
GBP
RUB