Azərbaycan Yazıçılar Birliyinin Natəvan klubunda Silahlı Qüvvələrin zabiti, mayor Vahid Məhərrəmovun "Hər addım uğrunda" nəsr kitabının təqdimatı olub. SİA-nın verdiyi məlumata görə, tədbirdə yazıçının özü və sözü haqqında ətraflı danışılıb, yaradıcılığını şərtləndirən amillər vizual təhlil edilib. Bildirilib ki, V.Məhərrəmovun əsərləri çağdaş ədəbiyyatımızda "boyu görünən" əsərlərdəndir. Müharibə, müharibənin ağrı-acıları, mənəvi-psixoloji sarsıntıları, vətənsevərlik əsərlərin başlıca leytmotividir və bunların məhz bu gün yazılması təqdirəlayiqdir.
Natiqlər kitaba daxil edilən hekayələrin, gənclərin və yeniyetmələrin vətənpərvərlik tərbiyəsində müsbət təsirindən, obrazların dolğunluğundan danışıblar.
Qeyd edək ki, tədbirdə "Hər addım uğrunda" kitabının bədii dəyərindən, ayrı-ayrı hekayələrin mövzu, üslub, dil xüsusiyyətlərindən söz açılıb.
Bütün xəbərlər Facebook səhifəmizdə
USD
EUR
GBP
RUB