Dahi Azərbaycan bəstəkarı Qara Qarayevin "Yeddi Gözəl" baletinin cari ilin 11 oktyabr tarixində ABŞ-ın San Dieqo şəhərində tamaşaya qoyulması münasibətilə Kaliforniya qanunverici orqanının alt palatası olan Ştat Assambleyasının spikeri Toni Atkins qətnamə imzalayıb. Azərbaycanın Los Ancelesdəki Baş Konsulluğundan SİA-ya verilən xəbərə görə, qətnamədə Azərbaycanın Los Ancelesdəki Baş Konsulluğunun təşkilatçılığı və Azərbaycan Mədəniyyət və Turizm Nazirliyinin dəstəyi ilə "Yeddi Gözəl" baletinin ABŞ-da ilk dəfə səhnəyə qoyulması böyük mədəniyyət hadisəsi kimi qiymətləndirilir. Həmçinin qətnamədə Azərbaycanın böyük şairi Nizami Gəncəvi və dahi bəstəkarı Qara Qarayevdən bəhs edilərək, "Yeddi Gözəl" baletində güclü poetik və musiqi vəhdətinin olduğu qeyd olunur, əsərdə multikulturalizmin və tolerantlığın tərənnümü, etnik müxtəlifliyin təntənəsi kimi keyfiyyətlərin nümayiş etdirildiyi vurğulanır.
Qətnamədə "Yeddi Gözəl" baletinin 1952-ci ildə Q.Qarayev tərəfindən bəstələndikdən sonra tarixdə ilk dəfə ABŞ-ın böyük səhnəsində tamaşaya qoyulduğu bildirilərək qeyd olunur: "ABŞ və Azərbaycan arasında münasibətlər 20 ildən çoxdur ki, davam edir. Bu münasibətlər iki ölkə arasında qarşılıqlı mənafelərə, faydalı tərəfdaşlığa yönəlik hədəfləri əhatə edir. Azərbaycan Kaliforniya ilə əlaqələrin inkişaf etdirilməsinə xüsusi önəm verir".
Kaliforniya Ştat Senatı adından isə qətnaməni senator Marti Blok imzalayıb.
.jpg)
Bütün xəbərlər Facebook səhifəmizdə
USD
EUR
GBP
RUB