Heydər Əliyev Sarayında "Muğam qanadlarında" adlı konsert olub. SİA-nın verdiyi xəbərə görə, sarayın təşkilatçılığı ilə keçirilən konsertdə xalq artistləri Simarə İmanova, Zabit Nəbizadə, respublika və beynəlxalq muğam müsabiqələrinin laureatları Babək Niftəliyev, Bəyimxanım Vəliyeva, Ehtiram Hüseynov, İlkin Əhmədov, Səbuhi İbayev, Aytən Məhərrəmova, Elnur Zeynalov və Gülay Qədirova iştirak ediblər. Konsertdə "Mahur", "Şüştər", "Şahnaz", "Segah", "Cahargah", "Dilkəş", "Qatar", "Bayatı-Şiraz", "Şahnaz" təsnif və muğamları ifa olunub.
Qeyd edək ki, ənənəyə uyğun olaraq konsertə Qarabağ müharibəsi veteranları və beynəlxalq əlillər cəmiyyətlərindən olan əlillər, onların ailə üzvləri, kimsəsiz və əlil uşaqlar dəvət edilib.
Bütün xəbərlər Facebook səhifəmizdə
USD
EUR
GBP
RUB