Bakıda Yaponiyanın Azərbaycandakı səfirliyinin və "28 Cinema" kinoteatrının birgə təşkilati dəstəyi və "JTİ" şirkətinin sponsorluğu ilə Yaponiya filmləri festivalı başlayır. Bu münasibətlə iyunun 19-da "28 Cinema" kinoteatrında mətbuat konfransı keçirilmişdir.
Konfransda Yaponiyanın Azərbaycandakı səfirliyinin, "28 Cinema" kinoteatrının və "JTİ" şirkətinin nümayəndələri iştirak etmişlər.
Bildirilmişdir ki, iyunun 20-dən 23-dək davam edəcək festival "28 Cinema" kinoteatrında keçiriləcəkdir. Budəfəki festival əvvəlkilərə nisbətən proqramının zənginliyi ilə seçilir.
Yapon dilində nümayiş olunacaq filmlər rus dilində alt yazı ilə təqdim ediləcəkdir.
Festivalın davam edəcəyi dörd gün ərzində saat 13:00-da və 19:30-da "Hankyu qatarı", "Xəttat qızlar", "16 yaşlılar üçün Buşido", "Məndən sənə", "Xoşbəxt uçuş" filmləri nümayiş olunacaqdır.
Festival çərçivəsində göstəriləcək filmlərə giriş sərbəstdir.
Mətbuat konfransından sonra festivalın rəsmi açılış mərasimi keçirilmişdir. İştirakçılar yapon mətbəxinin nümunələrindən dadmışlar.
Bütün xəbərlər Facebook səhifəmizdə
USD
EUR
GBP
RUB