Aprelin 25-də Zığ Qəsəbə Mədəniyyət Evində Əməkdar İncəsənət Xadimi, Prezident təqaüdçüsü, şairə-dramaturq Kəmalə Ağayevanın yaradıcılıq gecəsi keçiriləcək. SİA-nın məlumatına görə, gecədə şairənin şeirləri söyləniləcək, sözlərinə yazılmış mahnılar ifa olunacaq, nağıl-pyesləri əsasında hazırlanmış tamaşalar göstəriləcək.
Tədbirdə, həmçinin şairənin müəllifi olduğu kitablardan və şəxsi arxivindən təqdim etdiyi fotoşəkillərdən ibarət sərgi təşkil ediləcək.
Kəmalə Ağayeva 1937-cı il iyul ayının 10-da Naxçıvan şəhərində anadan olmuşdur. Orta məktəbi bitirdikdən sonra Azərbaycan Dövlət Xarici Dillər İnstitutunun (indiki Azərbaycan Dillər Universiteti) fransız dili fakültəsində təhsil alıb.
Şairə-dramaturq 1958-ci ildən Azərbaycan Yazıçılar Birliyinin, 30 ilə yaxındır ki, Azərbaycan Teatr Xadimləri İttifaqının üzvüdür. O, 20 şeirlər kitabının, 16 mənzum dram əsərinin, 200-dək oçerk və bədii yazıların müəllifidir.
Kəmalə Ağayeva bir çox tərifnamələr, təşəkkürnamələr almış, müxtəlif medallarla və fəxri fərmanlarla, Amerikada isə "Şərəfnamə" ilə təltif olunub.
Bütün xəbərlər Facebook səhifəmizdə
USD
EUR
GBP
RUB