Milli qəhrəmanlardan bəhs edən "Qartal yuvası" sənədli- bədii filminin çəkilişləri başa çatıb. Filmin rejissoru və prodüsseri Elnur Əliyevin SİA-ya verdiyi məlumata görə, ekran əsəri Qazax rayonunun üç milli qəhrəmanı: Rafiq Alicanov, Mərifət Nəsibov, Şamoy Çobanovun həyatı və döyüş yoluna işıq salır. Qazax, Füzuli, Şamaxı rayonlarında aparılan çəkilişlərin uğurla başa çatdığını deyən rejissor filmdə qəhrəmanların həyatlarının maraqlı kəsimlərinə daha artıq diqqət ayrıldığını bildirib.
Nəzərinizə çatdıraq ki, "Qartal yuvası" rejissorun milli qəhrəmanlara ithaf olunan sayca ikinci filmidir. Belə ki, daha öncə o, Gədəbəy rayonunun 4 milli qəhrəmanının şərəfli döyüş yolundan bəhs edən "Alınmaz qalanın qəhrəmanları"nı çəkib. E.Əliyev 2013-cü ildə "Ən yaxşı gənc prodüsser" nominasiyasında "İlin gənc kinematoqrafı" Milli Mükafatına layiq görülüb.
Filmin ssenari müəllifi Kamran Qasımov, quruluşçu operatoru Elgiz Azadov, quruluşçu rəssamı Mehriban Əfəndiyevadır.
Qeyd edək ki, film Vətəndaşların Sosial Rifahının Gücləndirilməsinə Dəstək İctimai Birliyinin köməkliyi ilə çəkilir.
Bütün xəbərlər Facebook səhifəmizdə
USD
EUR
GBP
RUB