Martın 18-i "Park Cinema" və digər kinoteatrlar Planet Parni iz Baku studiyasının çəkdiyi filmin premyerasını nümayış etdirəcək. SİA-nın məlumatına görə, "Ögey ata" adlı yeni komediyanın rejisoru Vüqar Cəbrayılovdur. Ssenarist və baş rolun ifaçısı – məşhur yumoristik aktyor Fərda Xudaverdiyevdir. Xatırladaq ki, onun sonuncu işi "Toy" filmi olub. Yeni filmin prodüserləri Tahir və Cabir İmanovlar və Emin Məmmədovdur.
Filmin qəhrəmanının adı Kəramətdir. Onun həyatının başqalarından fərqliliyi ondadır ki, həyatın enişli-yoxuşlu yollarında ozünü sanki İpək yolunda kimi hiss edir. Öz diliylə desək, "çox böyük hörmətə sahibdir". Düzdür, borcu hörmətindən daha çoxdur, amma siz indi təsəvvür edin ki, onun nə qədər borcu var. Hər zaman "halallıqla" dolanmaq istəsə, sonda "haqsızlıqla" qarşılaşır. Əgər Kəramət Kəramətdirsə, bu belə davam edə bilməz! Bir anda hər şeyi öz xeyrinə dəyişmək arzusu ilə qəti qərar verir və hər şey burdan başlayır!
Maraqlıdır ki, türk aktyoru İlhan Özbəy filmdə iştirak etmək üçün dəvət alıb. Eyni zamanda filmdə Xəyalə Abbasova və Teymur Məmmədov da çəkiliblər.
Filmin treylerini burada izləyə bilərsiniz:
Bütün xəbərlər Facebook səhifəmizdə
USD
EUR
GBP
RUB