Bu il Malmöda keçiriləcək "Eurovision-2013" mahnı müsabiqəsində 39 ölkə iştirakını təsdiqləyib. SİA-nın müsabiqəsinin rəsmi saytına istinadən verdiyi məlumata görə, müsabiqənin icraçı direktoru Yan Ola Sand bildirib ki, Avropada baş verən böhrana baxmayaraq, Avropanın əksər ölkələri bu ənənəni davam etməyə razı olduğunu bildirib.
Bosniya və Herseqovina, Portuqaliya və Slovakiyanın böhran səbəbindən müsabiqədən çıxmasından təəssüfləndiyini qeyd edən Y. O. Sand iştirakını təsdiqləyən ölkələrin siyahısını açıqlayıb. Bunlar Albaniya, Avstriya, Ermənistan, Azərbaycan, Belarus, Belçika, Bolqarıstan, Xorvatiya, Kipr, Danimarka, Estoniya, Finlandiya, Fransa, Gürcüstan, Almaniya, Yunanıstan, Macarıstan, İslandiya, İrlandiya, İsrail, İtaliya, Latviya, Litva, Makedoniya, Malta, Moldova, Monteneqro, Hollandiya, Norveç, Rumıniya, Rusiya, San Marino, Serbiya, Sloveniya, İspaniya, İsveç, İsveçrə, Ukrayna və Böyük Britaniyadır.
Qeyd edək ki, "Eurovision-2013" mahnı müsabiqəsi İsveçin Malmö şəhərində mayın 14-ü (I yarımfinal), 16-sı (II yarımfinal) və 18-də (final) baş tutacaq.
Bütün xəbərlər Facebook səhifəmizdə
USD
EUR
GBP
RUB