"Eurovision" müsabiqəsinin təşkilati məsələlər üzrə rəhbəri (Event supervisor) Sietse Bekker 57 ildir ki, milyonlarla izləyicinin marağına səbəb olan "Eurovision" mahnı müsabiqəsinin uğurunun səbəbi barədə danışıb.
SİA-nın eurovision.az saytına istinadən verdiyi məlumata görə, Sietse Bekker uğurun başlıca sirrini layihənin kreativliyi ilə əlaqələndirib: ""Eurovision" mahnı müsabiqəsinin uğurunu bir insanın adı ilə bağlaya bilmərik. Müsabiqənin təşkilati məsələlərinə bütün yaradıcı insanlar cəlb olunur. Layihənin uğurunun səbəbi kreativlik və çoxşaxəli yaradıcılıqla bağlıdır. Əgər qeyd etdiyim kriteriyalar yoxdursa, deməli, artıq şou bitməlidir və davam etməyin mənası yoxdur".
Sietse Bekker həmçinin musiqinin tərzindən, dilindən asılı olmayaraq milyonlarla insanı birləşdirdiyini diqqətə çatdırıb.
Bütün xəbərlər Facebook səhifəmizdə
USD
EUR
GBP
RUB