Akademik Milli Dram Teatrı GUAM ölkələrinin teatrları arasında əlaqələri inkişaf etdirmək məqsədilə layihə həyata keçirir
Krım-Tatar Akademik Musiqili Dram Teatrı Bakıda qastrol səfəri çərçivəsində bu gün qonaq teatr nümayəndələrinin iştirakı ilə Azərbaycan Akademik Milli Dram Teatrında mətbuat konfransı keçirilib. SİA-nın məlumatına görə, konfransda çıxış edən teatrın rəhbəri İsrafil İsrafilov bildirib ki, GUAM (Gürcüstan, Ukrayna, Azərbaycan, Moldova) ölkələrinin müxtəlif sahələrdə, o cümlədən mədəniyyət sahəsində sıx əməkdaşlıq əlaqələri yaranmaqdadır.
Onun sözlərinə görə, rəhbərlik etdiyi teatr GUAM ölkələrinin teatrları arasında əlaqələri inkişaf etdirmək məqsədilə layihə həyata keçirir: "Bu layihə GUAM ölkələri arasında uzunmüddətli yaradıcılıq əlaqələrini – qarşılıqlı qastrol səfərlərini, rejissor mübadiləsini, birgə layihələri, texniki heyətin təcrübə mübadiləsini, hər bir ölkədə fəaliyyət göstərən dramaturqların pyeslərinin digər ölkələrin teatrlarında tamaşaya qoyulmasını və digərləri nəzərdə tutur".
Bu gün Krım-Tatar Akademik Musiqili Dram Teatrı kollektivinin ifasında Milli Dram Teatrının səhnəsində xalq yazıçısı Elçinin \"Şekspir\" pyesi əsasında hazırlanan \"Xəstə könül\" tamaşası nümayiş etdiriləcək. Teatrın kollektivi dekabrın 24-dək Bakıda olacaq.
Bütün xəbərlər Facebook səhifəmizdə
.jpg)
USD
EUR
GBP
RUB
