Mançini açıqladı: "Hədəf dünya və avropa çempionu olmaqdır"

Futbol üzrə İtaliya millisinin baş məşqçisi Roberto Mançini qarşısında duran hədəfləri açıqlayıb. "Football İtalia" nəşrinin yaydığı xəbərə görə, təcrübəli mütəxəssis yığmanı dünya və Avropa çempionu etmək istədiyini bildirib: "Biz hamımız 80-90-cı illərdə futbolu inanılmaz dərəcədə dəyişən Arriqo Sakkinin yolu ilə gedirik. Mən həmişə təşəbbüsə malik olan və daim hücum edən komandaya rəhbərlik etmək istəyirəm. Bunlardan hansısa indi bizdə alınır. Ancaq qollar vurmaq üçün daha çox epizod yaratmalıyıq.

İtaliya millisinə təyinat gözlənilməz bir şeydir. Bu, çox iddialı bir yanaşma tələb edir. Misal üçün, mən futbolçularımla birlikdə Avropa və dünya çempionluğunu qazanmaq istəyirəm. Bir neçə yığma 2-3 dəfə buna nail olub. Mən başa düşə bilmirəm ki, niyə İtaliya kimi supergücə sahib futbol ölkəsi bunu təkrarlaya bilmir. Bu, arzudur".

Bütün xəbərlər Facebook səhifəmizdə

loading...