Bakı Ali Neft Məktəbində (BANM) Böyük Britaniyanın “International Drilling Fluids” (IDF) şirkətinin nümayəndə heyəti ilə görüş keçirilib. Görüşdə BANM ilə IDF arasında neft-qaz mühəndisliyi, kimya mühəndisliyi ixtisasları üzrə qarşılıqlı əməkdaşlıq haqqında anlaşma memorandumu imzalanıb. BANM-dən SİA-ya bildiriblər ki, sənəddə mütəxəssis mübadiləsi, birgə tədqiqatların aparılması və digər məsələlər nəzərdə tutulur.
Memorandumu BANM-in rektoru Elmar Qasımov və “International Drilling Fluids” şirkətinin Baş icraçı direktoru Koruş Təhmasib imzalayıblar.
Görüşdə birgə elmi tədqiqatların aparılması, tələbələrin iştirakı ilə müxtəlif laboratoriya kurslarının, işçi heyəti üçün treninqlərin təşkil olunması barədə razılıq əldə olunub.
IDF neft-qaz sənayesində qazma, tamamlama və istehsal üzrə mühəndislik xidmətləri göstərir. Şirkət qazma problemlərini aradan qaldırmaq üçün praktik tədqiqat fəaliyyəti ilə məşğuldur. Baş ofisi Londonda yerləşən şirkətin Azərbaycanda da ofisinin açılması planlaşdırılır.
Bütün xəbərlər Facebook səhifəmizdə
.jpg)
.jpg "Türkiyə Psixologiyasında Nə Baş Verir? SON DƏQİQƏ!")
USD
EUR
GBP
RUB