...Vaşinqton rəsmi olaraq beynəlxalq ictimaiyyəti Yaxın Şərqdəki Amerika qüvvələrinə qarşı zərbələrdə Tehrana kömək etməmək barədə xəbərdar edib.
NATO-nun Avropadakı Ali Müttəfiq Qüvvələrinin Komandanı general Aleksus Qrinkeviç Senatdakı dinləmə zamanı bildirib ki, ABŞ üçüncü tərəflərin ABŞ hərbi obyektlərini hədəfə almaqda İrana kömək etmək cəhdlərinə sərt cavab vermək niyyətindədir.
Generalın sözlərinə görə, kimsə Amerika hərbçilərini təhlükəyə atdıqda, cavab qəti və təcili olacaq.
SİA-nın məlumatına görə, bu fonda Rusiyadan İrana mümkün kəşfiyyat məlumatlarının mübadiləsi məsələsi xüsusilə aktuallaşır.
ABŞ Prezidentinin xüsusi nümayəndəsi Stiven Vitkoff Moskva ilə diplomatik əlaqələrin təfərrüatlarını açıqlayıb: Rusiya tərəfi Vaşinqtona Tehranla kəşfiyyat məlumatlarının paylaşılmayacağına dair zəmanət verib.
Bundan əlavə, Vitkoffun sözlərinə görə, zəmanətlər bir neçə kanal vasitəsilə - həm Vladimir Putinlə Donald Tramp arasında telefon danışığı zamanı, həm də Rusiya Prezidentinin köməkçisi Yuri Uşakovla ayrı-ayrı söhbətlərdə alınıb.
Xüsusi nümayəndənin açıqlamalarına əsasən, Vaşinqton alınan zəmanətlərə etibar etməyə meyllidir.
Vitkoff CNBC-yə verdiyi müsahibədə Rusiya tərəfinin təminatlarını şərh edərkən bildirib ki, “...Biz onların sözlərinə inana bilərik və ümid edək ki, onlar həqiqətən də paylaşmırlar”.
Əvvəllər Qərb mediası, o cümlədən “The Washington Post”, mənbələrə istinad edərək Moskvanın Amerika hərbi obyektlərinin koordinatlarını İrana ötürə biləcəyini bildirsə də, bu məlumat rəsmi olaraq təsdiqlənməyib.
Yaxın Şərqdəki vəziyyət fevral ayının sonundan, ABŞ və İsrailin İrana qarşı genişmiqyaslı əməliyyat başlatdığı vaxtdan bəri gərginləşməyə davam edir.
Tehran İsrail ərazisinə və bölgədəki Amerika obyektlərinə cavab zərbələri endirib ki, bu da artıq mülki şəxslərin itkisinə səbəb olub. Bu artıq bir neçə ərəb ölkəsini hava məkanını bağlamağa məcbur edib.
Bu fonda İran xəstəxanaların dağıdılması və çox sayda yaralı səbəbindən Rusiya da daxil olmaqla dost dövlətlərdən humanitar yardım istəyib.
Əli Babayev
Bütün xəbərlər Facebook səhifəmizdə
.jpg "Türkiyə Psixologiyasında Nə Baş Verir? SON DƏQİQƏ!")
USD
EUR
GBP
RUB