Nigeriyada silahlı dəstələr tərəfindən girov götürülən 69 nəfər Bauçi əyalətində xilas edilib.
SİA-nın rus saytlarından əldə etdiyi məlumata görə, Bauçi əyalətinin yerli hökumət komissarı Əbdülrazaq Nuhu Zaki bildirib ki, son vaxtlar müxtəlif ştatlardan silahlı dəstələr Bauçi kəndlərinə soxulmağa başlayıb.
N.Zaki qeyd edib ki, polis ştatın Den meşəsində silahlı şəxslərə qarşı əməliyyatlarda 69 girovu xilas edib.
O bildirib ki, xilas edilənlərin haradan gəldiyi ilə bağlı araşdırmalar aparılır. Onlar araşdırmalar başa çatdıqdan sonra ailələrinə təhvil veriləcək.
Nigeriyanın müxtəlif bölgələri son zamanlar silahlı şəxslərin və terror təşkilatı Boko Haramın hücumlarına səhnə olub.
Bütün xəbərlər Facebook səhifəmizdə
USD
EUR
GBP
RUB
