Türkiyədə güclü zəlzələ, ölən və yaralılar var

Türkiyənin Elazığ vilayətinin Sivricə rayonunda 6,8 bal gücündə zəlzələ olub. SİA "sozcu.com.tr" saytına istinadən xəbər verir ki, Kandilli Rəsədxanası zəlzələnin yerin 10 kilometr dərinliyində baş verdiyini bildirib.

10-12 saniyəyədək davam edən təkanlar Şırnak, Mardin, Diyarbəkir, Adıyaman, Samsun, Malatyada, eləcə də İraqın şimalında Ərbil və Duhok vilayətlərində də hiss olunub.

Elazığın Mədən rayonunda 5 mərtəbəli yaşayış binası çökdüyü bildirilir.

Türkiyənin Daxili işlər naziri Süleyman Soylu bildirib ki, zəlzələdə 4 nəfərin ölməsi haqqında məlumatlar var. 84 nəfərin yaralandığı haqda məlumat verilir.

Xilasedici qurumlar dağıntı altında qalan insanları çıxarmağa çalışır.

Qeyd edək ki, 2010-cu ilin martında Elazığda baş verən 6 bal gücündə zəlzələdə 51 insan həyatını itirmişdi

Bütün xəbərlər Facebook səhifəmizdə

loading...