Çindən Türkiyəyə gələn bütün sərnişinlər hava limanlarında xüsusi cihazlarla yoxlanılacaq

Türkiyənin Səhiyyə Nazirliyi Çindən ölkəyə gələn bütün sərnişinlərin hava limanlarında xüsusi cihazlarla yoxlanılacağını bildirib.

SİA xəbər verir ki, buna səbəb Çinin bir neçə bölgəsində yayılan koronavirus (2019-nCoV) göstərilir. Bununla bağlı nazirliyin nəzdində elmi şuranın növbədənkənar iclası keçirilib.

Çin hökuməti ərazini karantin altına aldıqdan bu ölkənin hava yolu şirkəti tərəfindən həftədə üç dəfə həyata keçirilən Uxan-İstanbul səfərləri dayandırılıb. Hava limanlarında karantin otaqları gücləndirilmiş iş rejiminə keçib.

Bütün xəbərlər Facebook səhifəmizdə