Putin və Obama razılaşdı

Rusiya və ABŞ Suriyadakı vəziyyətin siyasi həlli ilə bağlı razılığa gəlib. Bu razılaşmaya Suriya prezidenti Bəşər Əsədin başqa ölkəyə köçməsi və istefası daxildir. Bu barədə diplomatik mənbələrə istinadən "Əl-Həyat" qəzeti məlumat yayıb.

"Söhbət Suriya prezidenti Bəşər Əsədin başqa ölkəyə köçməsi şərti ilə istefasından gedir", - deyə mənbə bildirib. Lakin o , Əsədin istefasının zaman çərçivəsini və bu prosesin detalları barədə heç bir məlumat verməyib.

"Əl-Həyat"ın mənbəyi Rusiya və ABŞ-ın diplomatik kanallar vasitəsilə ortaq məxrəcə gəldiyini qeyd edib.

Rusiya prezidentinin mətbuat katibi Dmitri Peskov Rusiya KİV-nə müsahibəsində yayılan məlumatı təkzib edib: "Rusiya Suriya da daxil olmaqla üçüncü ölkənin öz müqəddəratını təyin etməsini nə diplomatik, nə də başqa kanallarla müzakirə edir".

Bütün xəbərlər Facebook səhifəmizdə

loading...