...Başqırdıstanda aborta təhrik üçün 500 min rubla qədər cərimə tətbiq oluna bilər.
SİA-nın məlumatına görə, RBK xəbər verir ki, bu təkliflə vilayət Dövlət Assambleyasının spikeri Konstantin Tolkaçev çıxış edib.
Deputat parlamentin müvafiq komitəsinə aborta təhrik qadağası olan digər federal subyektlərin təcrübələrini öyrənməyi və onun effektivliyini qiymətləndirməyi tapşırıb. Aborta təhriklə bağlı məhdudiyyətlər bundan əvvəl Rusiyanın 20 regionunda, o cümlədən Sankt-Peterburq, Mordoviya, Krım, Kirov və Bryansk vilayətlərində tətbiq edilib.
Tolkaçev Başqırdıstanda belə bir təcrübənin tətbiqinin zəruriliyini qadınların reproduktiv sağlamlığına qayğı və ailənin maraqlarının qorunması ilə izah edib.
Onun fikrincə, belə bir təcrübə respublikada demoqrafik vəziyyəti yaxşılaşdıra bilər. “Söhbət təkcə qadağanedici tədbirlərdən deyil, həm də hamilə qadınlara və uşaqlı ailələrə hərtərəfli dəstək sisteminin yaradılmasından gedir.
Rusiyanın digər bölgələrində aborta təhrik ilə bağlı fərqli qanunvericilik normaları var.
Bu, qadını hamiləliyi dayandırmağa məcbur etmək məqsədi ilə inandırma, təhdid, təklif, aldatma və ya şantajın qadağan edilməsidir.
Ailədaxili bu mövzuda söhbətlər, həmçinin abort üçün tibbi göstərişlər haqqında məlumatlar qadağaya tabe deyil. Federasiyanın təsis qurumlarında aborta səbəb olan cərimələr fiziki şəxslər üçün 1000-dən 5000 rubla qədər, vəzifəli şəxslər üçün 30.000 rubla qədər, hüquqi şəxslər üçün isə 500.000 rubla qədərdir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
