Avropa İttifaqı (Aİ) müharibədən qaçan ukraynalıların müvəqqəti müdafiəsini nəzərdə tutan Aİ-nin Müvəqqəti Mühafizə Direktivinin bir il müddətinə uzadılmasına qərar verib.
SİA-nın xarici qaynaqlardan əldə etdiyi məlumata görə, bu barədə Avropa İttifaqı Şurasından verilən yazılı məlumatda bildirilib. Məlumatda ukraynalılara verilən müvəqqəti qoruma müddətinin 4 mart 2024-cü il tarixindən 3 mart 2025-ci il tarixinə qədər uzadılmasına dair təklifin qəbul etdiyi vurğulanıb.
Jurnalistlərə açıqlama verən Avropanın daxili işlər üzrə komissarı İlva Yohansson bildirib ki, Avropa İttifaqına üzv ölkələrdə 4 milyona yaxın ukraynalı var.
İlva Yohansson qeyd edib ki, bu insanlar əmək bazarına uğurla inteqrasiya olunublar.
İ. Yohansson həftədə təxminən 250 min insanın Aİ-Ukrayna sərhədindən keçdiyinə diqqət çəkib.
Qeyd edək ki, Avropa İttifaqına üzv ölkələr müharibədən qaçan ukraynalıların müvəqqəti müdafiəsini nəzərdə tutan Aİ-nin Müvəqqəti Mühafizə Direktivini aktivləşdirmək üçün siyasi konsensus (razılıq) əldə ediblər.
Bu çərçivədə ukraynalılar Aİ ölkələrində yaşamaq icazəsi ala, təhsil və səhiyyə xidmətlərindən yararlana və işlə təmin oluna bildilər.
Bütün xəbərlər Facebook səhifəmizdə
USD
EUR
GBP
RUB
