"Qrupdakı son oyunda eksperiment aparmayacağıq" - BAŞ MƏŞQÇİ

"Qrupdakı son oyunda eksperiment aparmayacağıq". SİA-nın məlumatına görə, bunu futbol üzrə Qazaxıstan yığmasının baş məşqçisi Məhəmməd Adıyev UEFA Millətlər Liqasının C Divizionunda evdə Moldovaya 2:1 hesabı ilə qalib gəldikləri V tur oyunundan sonra mətbuat konfransında deyib.

Rusiyalı mütəxəssis bildirib ki, Azərbaycan millisi ilə matçda heyətlə bağlı müəyyən dəyişikliklər olacaq: "Belə emosional qarşılaşmalardan sonra heyətə əl gəzdirmək lazımdır. Başqa çarə yoxdur, çünki oynayan futbolçular yorulacaqlar".

Qeyd edək ki, sentyabrın 25-də "Dalğa Arena"da keçiriləcək Azərbaycan - Qazaxıstan oyunu saat 20:00-da başlayacaq.

Bütün xəbərlər Facebook səhifəmizdə

loading...