“Bu gün meydanda özümüzü göstərə bilmədik. Əvvəldən matça düzgün yanaşmadıq. Və oyun planladığımız kimi getmədi".
SİA Qol.az-a istinadən xəbər verir ki, bu sözləri "Ferentsvaroş"un (Macarıstan) baş məşqçisi Stanislav Çerçesov Çempionlar Liqasının 3-cü təsnifat mərhələsində evdə "Qarabağ"a 1:3 hesabı ilə uduzduqları cavab oyunundan sonra keçirilən mətbuat konfransında deyib.
Mütəxəssis özlərindən daha üstün olan rəqibə uduzduqlarını söyləyib: "Deməliyəm ki, bu, layiqli məğlubiyyətdir. Belə matçdan sonra emosiyalara qapıla bilərsən, ona görə də indi bir addım geri çəkilməliyəm. Sakitcə yenidən matçı izləməliyəm və yalnız bundan sonra onu düzgün dəyərləndirə bilərəm.
Oyunçular üçün ayrıca sözlərim var idi. Lakin onlar mənim oyunçularımdır və mənim futbolçularım dünyanın ən yaxşısıdır”.
Qeyd edək ki, "Ferentsvaroş" iki oyunun nəticəsinə əsasən "Qarabağ"a uduzaraq (1:1, 1:3) ÇL-də mübarizəni dayandırıb. Macarıstan təmsilçisi Avroliqanın pley-offunda iştirakına davam edəcək.
Bütün xəbərlər Facebook səhifəmizdə
USD
EUR
GBP
RUB