“Qarabağ” AFFA Apellyasiya Arbitraj Tribunalına müraciət etdi

“Qarabağ” AFFA Apellyasiya Arbitraj Tribunalına müraciət ünvanlayıb. SİA xəbər verir ki, müraciətdə İntizam Komitəsinin fevralın 23-də tətbiq etdiyi qərara etiraz ifadə olunub.

Həmin qərara əsasən, futbolçu Uroş Matiçin "Sumqayıt"a qarşı Azərbaycan Premyer Liqasının XVI tur matçı zamanı forma nömrəsində soyadı Azərbaycan əlifbası ilə yazılmadığı üçün kluba 3 000 manat cərimə kəsilib.

"Qarabağ" həmin oyunda forma geyinməyən, 1 dəqiqə belə meydanda olmayan Matiçin forma standartlarının pozulması qərarı və cərimə ilə razılaşmayıb. Klub qərarın ləğvi üçün AFFA Apellyasiya Arbitraj Tribunalına İntizam Məcəlləsinin uyğun bəndlərinə əsasən hazırlanmış müraciət ünvanlayıb.

Bütün xəbərlər Facebook səhifəmizdə

loading...