Bu gün yeniyetmə boksçular arasında Azərbaycan birinciliyinə start veriləcək. SİA-nın məlumatına görə, Bakı Boks Mərkəzində keçiriləcək yarış 6 gün davam edəcək.
Birincilikdə ölkəmizin müxtəlif şəhər və rayonlarını təmsil edən komandaların 200-dək idmançısı mübarizə aparacaq.
Yarışa qatılacaq 2003-2004-cü il təvəllüdlü boksçular 16 çəki dərəcəsində mükafatçıları müəyyənləşdirəcəklər.
Turnirin baş hakimi Anar Nağdiyev olacaq.
Qeyd edək ki, yarış iyulda Bolqarıstanda təşkil olunacaq Avropa birinciliyinə seçim xarakteri daşıyır.
Bütün xəbərlər Facebook səhifəmizdə
USD
EUR
GBP
RUB