Dünən I Divizionun XIV turu çərçivəsində
qış çempionu "Abşeron" FK "Şəfa" stadionun əsas meydançasında "Ədliyyə" komandasını qəbul etdi. Siasport.az saytı xəbər verir ki, ilk dəqiqələrdən
üstünlüyü ələ alan abşeronçular rəqib qapısından 4 qol keçirməklə tam qələbə
çaldılar. Birinci hissəyə 1, ikinci hissəyə 4 dəqiqə artırılan oyunda hesabı
15-ci dəqiqədə Eşqin Quliyev açdı. Ardınca 16-cı dəqiqədə Rəhman Musayev, 38-ci
dəqiqədə Emin Mehtiyev, 85-ci dəqiqədə
Aqşin Həşimov oyunun gedişatını abşeronçuların xeyrinə həll etdilər. Oyun ərzində Orxan Həsənov və Kamil Nurəhmədov
hərəyə bir sarı vəqərə aldılar. Qeyd edək ki, çempionat ərzində 4 sarı vərəqə alan
Murad Ağakişiyev bu oyundan kənar qalmışdı. 45-ci dəqiqədə Rəhman
Musayevin Aqşin Həşimovla əvəzlənməsi
oyunun gedişatına müsbət təsir etdi. 57-ci dəqiqədə Emin Mehtiyev Elşən
Hacıyevlə, 71-ci dəqiqədə Kamil Nurəhmədov
Timur Dadaşovla
əvəz
edildi. Oyunu baş hakim İnqilab Məmmədov idarə edirdi. Hakim köməkçiləri Elşən
Durmuşov, Hüseyn İmanov, Ağaəli Əlizadə, hakim inspektor Şamil Hüseynov idilər.
Bütün xəbərlər Facebook səhifəmizdə
USD
EUR
GBP
RUB