“Tour of China”da son 2 mərhələ

Çində Beynəlxalq Velosipedçilər İttifaqının 2.1 kateqoriyalı "Tour of China" veloyürüşünün 2-ci bölümünün 3-cü mərhələsi də arxada qalıb. SİA-nın məlumatına görə, 5 mərhələdən ibarət bu hissədə iştirakçılar 143 km məsafə qət ediblər.

"Synergy Baku" komandasının üzvlərindən ən yaxşı nəticə Metyu Bremmierə məxsusdur. O, məsafəni 3 saat, 2 dəqiqə, 38 saniyəyə başa vurmaqla mərhələ qalibi adını qazanan Qazaxıstanın "Astana" kontinental komandasının üzvü Vadim Qalayevdən 25 saniyə geri qalmaqla 13-cü olub.

Ümumi təsnifatda "Synergy Baku" üzvlərindən Aleksandr Surutkoviç 9-cu, bir neçə gündən sonra İspaniyada keçiriləcək dünya çempionatında Azərbaycanı təmsil edəcək yığma komandamızın üzvü Elçin Əsədov 12-ci, Metyu Bremmier isə 16-cıdır. Komanda hesabında "Synergy Baku" 22 kollektiv arasında 8-ci mövqedə qərarlaşır.

Bü gün keçiriləcək 4-cü mərhələdə iştirakçılar 138.8 km məsafə qət edəcəklər.

Qeyd edək ki, şüarı "Davamlı gələcəyə doğru" olan "Synergy Group" ASC Azərbaycanın ilk peşəkar velokomandası "Synergy Baku Cycling Project"in baş sponsorudur.

Bütün xəbərlər Facebook səhifəmizdə

loading...