Mayın 15-18-də Hövsan Olimpiya İdman Kompleksində yeniyetmələr arasında sərbəst və yunan-Roma güləşi üzrə Azərbaycan birinciliyi keçiriləcək. Güləş Federasiyasının mətbuat xidmətindən Siasport.az saytına verilən xəbərə görə, FİLA-nın mövcud qaydalarına əsasən təşkil olunacaq və şəxsi xarakter daşıyacaq birincilikdə respublikanın demək olar ki, bütün bölgələrini təmsil edən 1995-96-cı il təvəllüdlü idmançılar 10 çəki dərəcəsində mübarizə aparacaq. Yarışın keçirilməsində əsas məqsəd ölkə ərazisində güləş idman növünün təbliği və inkişafına nail olmaq, respublikada fəaliyyət göstərən idman təşkilatlarında təlim-məşq prosesini takmilləşdirmək və müvafiq yaş qrupu üzrə mükafata layiq yerlər tutmuş idmançıları yığma komandalara cəlb etməkdir.
Məlumat üçün bildirək ki, turnirin proqramına əsasən, mayın 15-16-da sərbəst, mayın 17-18-də isə yunan-Roma güləşçiləri arasında ən güclülər müəyyənləşəcək. Bundan əlavə, yarışlar hər gün səhər saat 10:00-da başlanacaq. Təntənəli açılış marasimi mayın 15-i, saat 17:00-a təyin edilib. Hər çəki dərəcəsində mükafata layiq yerlər tutmuş idmançılar medal və diplomla yanaşı, AGF tərəfindən pul mükafatı ilə də təltif olunacaq və yığma komandanın heyətinə cəlb olunacaq.
Bütün xəbərlər Facebook səhifəmizdə
USD
EUR
GBP
RUB