Azərbaycan Taekvondo Federasiyasının təşkilatçılığı ilə pumse üzrə açıq dərs və demo üzrə (nümunəvi çıxış) milli komandanın üzvlərinin nümunəvi çıxışları baş tutub. SİA xəbər verir ki, Heydər Əliyev Mərkəzinin parkında, açıq havada keçirilən tədbir şəhər sakinləri tərəfindən maraqla qarşılanıb.
Pumse və demo üzrə milli komandanın baş məşqçisi Etibar İbrahimovun rəhbərliyi altında keçirilən pumse üzrə açıq dərsin ardınca demo komandasının üzvləri tatami üzərində bacarıqlarını nümayiş etdiriblər.
Akrobatik elemetlərlə zəngin tullanma zərbələri, çevik hərəkətlər və musiqi ilə sinxron təqdim edilən çıxışlar tədbirə toplaşanlar tərəfindən alqışlarla qarşılanıb.
Tədbirin təşkilində məqsəd gənclər arasında taekvondoya marağın artırılmasına və sağlam həyat tərzinin təbliğinə töhfə vermək olub.
Bütün xəbərlər Facebook səhifəmizdə
USD
EUR
GBP
RUB
